Search
Close this search box.

Մահացել է ամենադաժան սերիական մարդասպանը. նա շատ երեխաների ու կանանց է սպանել

Ֆրանսիական բանտում 80 տարեկան հասակում մահացել է սերիական մարդասպան Միշել Ֆուրնիրեն, որը ժամանակակից քրեագիտության պատմության մեջ հայտնի է որպես «Արդենի մոլագար»։ Այդ մասին հայտնում է BFMTV հեռուստաալիքը

Ֆուրնիրեն համարվում է վերջին մի քանի տասնամյակում Ֆրանսիայի ամենադաժան սերիական մարդասպաններից մեկը։ Մոլագար մարդասպանն ու նրա կինը 2008թ․-ին դատապարտվել էին ցմահ բանտարկության։ Տղամարդը մեղավոր էր ճանաչվել ֆրանս-բելգիական սահմանի երկու կողմերում առնվազն յոթ աղջիկների և կանանց սպանության համար, որոնք կատարել էր 1987-ից մինչև 2003 թվականը։

Հեռուստաալիքը նշում է, որ Ֆուրնիրեն իր հետ բազմաթիվ չարագուշակ գաղտնիքներ է գերեզման տանում։ Վերջին շաբաթներին իրավապահները փորձում են գտնել 2003 թ․-ին կորած 9-ամյա աղջկա աճյունը։ Մոտ մեկ տարի առաջ սերիական մարդասպանը խոստովանել էր նրա սպանությունը։ Առողջական վիճակի պատճառով նա չի մասնակցել մարմնի որոնումներին։

Հետաքննության տվյալներով՝ մոլագարը կնոջ հետ միասին սովորաբար իր զոհերին նստեցրել է մեքենան և խնդրել ցույց տալ ճանապարհը։ Կինն ուղեկցում էր ամուսնուն՝ աղջիկներին մոլորության մեջ գցելու և նրանց համոզելու համար, որ անծանոթները վտանգավոր չեն։ Այնուհետև «Արդենի մոլագարը» աղջիկներին տուն էր տանում (այն ժամանակ ընտանիքը Բելգիայում էր ապրում), փակում էր նկուղում, սպանում, ինչից հետո մարմինները թաղում էր կամ գցում մոտակա գետերը։

SKIPSTOPPED
Սակայն 2003թ․-ին արյունահեղ հանցագործությունների պատմութունն ավարտվեց այն բանից հետո, երբ ծագումով Կոնգոյից մի բելգիացի կնոջ հաջողվեց փախչել Ֆուրնիրեից և փրկվել։ Նա ոստիկանություն էր դիմել և կարողացել էր նշել մարդասպանի ֆուրգոնի համարը, ինչի շնորհիվ հանցագործին հաջողվել էր ձերբակալել։