Կառավարությունն իր այսօրվա՝ ապրիլի 8-ի նիստում Հայկ Ղալումյանին նշանակեց ՀՀ Տավուշի մարզպետ:
«Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» Հայաստանի Հանրապետության օրենքի 6-րդ հոդվածի 1-ին մասով` Հայաստանի Հանրապետության կառավարությունը որոշում է.
Հայկ Ղալումյանին նշանակել Հայաստանի Հանրապետության Տավուշի մարզպետ»,-ասված է որոշման մեջ:
Վերջինս իր խոսքում ասաց. «Հավաստիացնում եմ, որ ոչինչ չեմ խնայելու հանուն Տավուշի մարզի տնտեսական զարգացման և մեր ժողովրդի բարեկեցության համար»:
Նշենք, որ Հայկ Ղալումյանը վարչապետ Նիկոլ Փաշինյանի քավորն է։ 2019 թվականի սեպտեմբերի 14-ից նա Իջևանի քաղաքապետի ժամանակավոր պաշտոնակատարն է։ Երեկ նա ազատվել է քաղաքապետի պաշտոնակատարի պաշտոնից:
Ավելի վաղ NEWS.am-ը հայտնել էր, որ կառավարության նախորդ նիստում Տավուշի մարզպետ Հայկ Չոբանյանն ազատվել էր պաշտոնից. նա նշանակվել է Բարձր տեխնոլոգիական արդյունաբերության նախարար։
