Որոնողափրկարարական աշխատանքների արդյունքում երեկ դուրս է բերվել 11 աճյուն, որոնցից մեկը քաղաքացիական անձ է. Նա տարեց տղամարդ է՝ Հադրութի շրջանի Վարդաշատ գյուղից։ Այս մասին այսօր՝ դեկտեմբերի 11-ին NEWS.am ի հետ զրույցում ասաց Արցախի արտակարգ իրավիճակների պետական ծառայության տեղեկատվության եւ հասարակայնության հետ կապերի բաժնի պետ Հունան Թադեւոսյանը:
«Այսօր երեք ջոկատ աշխատում է Հադրութում, մեկ ջոկատ՝ Ջաբրայիլում եւ Ֆիզուլիում»,- հավելեց Հունան Թադեւոսյանը։
