Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն մրցաշրջանի ավարտից հետո կարող է հեռանալ թիմից: Այդ մասին թվիթերյան իր էջում հայտնել է բրիտանացի լրագրող Թոմ Մակդերմոտը:
Պորտուգալացի մասնագետը դժգոհ է անգլիական ակումբում տեղի ունեցող որոշ բաներից, և կարող է մրցաշրջանի ավարտից հետո հեռանալ Մանչեսթերից:
«Manchester Evening News»-ի համաձայն՝ 54-ամյա մասնագետի ծառայություններով հետաքրքրված է ֆրանսիական ՊՍԺ-ն: Ֆրանսիական ակումբի ներկայացուցիչներն արդեն կապ են հաստատել պորտուգալացու գործակալի հետ:
«Մանչեսթեր Յունայթեդի» հետ Մոուրինյուի պայմանագիրն ավարտվում է 2019 թվականին, իսկ փարիզցիների գլխավոր մարզիչ Ունաի Էմերիի համաձայնագիրը նախատեսված է մինչև ամառ:
