Այսօր՝ հանրապետության 69 համայնքներում, ՏԻՄ ղեկավարների ընտրություններ են, որոնցից երեքում անցկացվում են արտահերթ ընտրություններ, մասնավորապես՝ Գորիսի տարածաշրջանի 18 ընտրական տեղամասային կենտրոնում՝ ժամը 17-ի դրությամբ, ինչպես հայտնում է ԿԸՀ-ն՝ 22 148 ընտրական իրավունք ունեցող քաղաքացիներից մասնակցել է 10 986-ը կամ ընտրողների 4,96%-ը:
Հիշեցնենք, որ Գորսի արտահերթ ընտրություններին պայքարում է 2 թեկնածու՝ նախկին քաղաքապետ Սամվել Հարությունյանն ու քաղաքապետի ժամանակավոր պաշտոնակատար Առուշ Առուշանյանը:
Գորիսի տարածածրջանի 18 ընտրատարածքներում, առավոտյան ժամը 8-ից ներառյալ, մարդկանց զանգվածային կուտակումներ են արձանագրվել: Բոլոր ընտրատեղեմասերում, այդ թվում՝ 9-ը գյուղական համայնքներում, նկատվում էր մարդկանց ակտիվություն:
34/46 ԸՏԿ-ում, ժամը 11-00 դրությամբ 1882 ընտական իրավունք ունեցողներից մասնակցել էր՝ 400-ը: Ըստ հանձնաժողովի նախագահ Միհրան Միրումյանի՝ այդ պահի դրությամբ ընտրողների մասնակցությունը նորմալ է:
Թիվ 34/40 ԸՏԿ-ում էլ ժամը 11.50-ի դրությամբ 1568 ընտրողներից մասնակցել են 326-ը, հանձնաժողովի նախագահ Ս. Ակլունցը նույնպես նորմալ համարեց ընրողների մասնակցության թիվը: Իսկ 34/43 ԸՏԿ-ում տեխնիկական խնդիրներ էին առաջացել, հանձնաժողովի նախագահ Ա. Զեյնալյանը տեղեկացրեց, որ տարեցները շփոթվել են՝ չգիտեն, ինչպես քվեաթերթիկը դնեն ծրարների մեջ և մի քանի տարեցի՝ օգնության կարգով միջամտել և քվեախցիկ են ուղեկցել:
Հատկանշական է, որ Գորիսի բոլոր ընտատեղմասերում նույն հոգեբանական իրավիճակն է, բոլորը կանխատեսում են, որ հաղթելու է համայնքի ժամանակավոր պաշտոնակատար Առուշ Առուշանյան: Ըստ էության, Առուշանյանի դեմ՝ մյուս թեկնածուի շտաբի կողմից ընտրապայքարի տպավորություն չկա, անգամ ընտրատեղամասերում բացակայում են Սամվել Հարությունյանի վստահված անձինք:
Կարինե Սարգսյան
[smartslider3 slider=184]