ԼՂՀ ՊԲ զորամասերից մեկում հակատանկային նռնակի պայթյունից մահացու վիրավորում ստացած Հրանտ Մանգասարյանը 20 ամյակը լրացել էր այս տարվա սեպտեմբերի 17-ին և մի քանի ամսից պետք է զորացրվեր:
Զինվորը ծնվել էր Լոռու մարզի Շիրակամուտ համայնքում, սակայն վերջին տարիներին ընտանիքով տեղափոխվել էին մայրաքաղաք:
Հրանտը տան միակ տղան էր, 5 քույրերի եղբայր:
Հիշեցնենք, նոյեմբերի 4-ին՝ ժամը 12:10-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում հակատանկային նռնակի պայթյունի հետևանքով մահացու վիրավորում է ստացել ՊԲ զինծառայող, 1997թ. ծնված Հրանտ Խաչատուրի Մանգասարյանը, իսկ զինծառայողներ Գևորգ Վլադիսլավի Հյուսնունցը և Սերգեյ Սևադայի Ալումյանը ստացել են տարբեր աստիճանի բեկորային վիրավորումներ: