ԱԻՆ մամուլի ծառայության տեղեկացմամբ՝ նոյեմբերի 4-ին, ժամը 18:05-ին տեղեկություն է ստացվել, որ Քասախ գետի կիրճում՝ Կախովի կամրջի մոտակայքում, մարդ է ընկել. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ 1981 թ. ծնված Ա. Վ.-ն ընկել է Արագածոտնի մարզի Աշտարակ քաղաքի Եղիշե Չարենցի փողոցի թիվ 1 հասցեի մոտակայքում՝ Քասախ գետի կիրճում:
Փրկարարներն Ա. Վ.-ին պատգարակով մոտեցրել են (մոտ 7 մ) շտապօգնության ավտոմեքենային, ով հոսպիտալացվել է Երևան քաղաքի Արմենիա ՀԲԿ. բժիշկները տուժածի առողջական վիճակը գնահատել են ծանր:
