Ադրբեջանի զինված ուժերի զորամասերից մեկում մարտական կրակով զորավարժությունն արվել է ՆԱՏՕ-ի «Օպերատիվ հնարավորությունների կոնցեպցիայի » ծրագրի շրջանակներում: Ստուգվել է մոտոհրաձգային ստորաբաժանումների պատրաստականության աստիճանը: Այս մասին նոյեմբերի 4-ին հայտնել է Ադրբեջանի ՊՆ կայքը, գրում է razm.info-ն:
Վարժանքների ընթացքում ստուգվել են տվյալ զորամասի մոտոհրաձգային ստորաբաժանումների ստորաբաժանման սպառազինումը, տեխնիկական համալրվածությունը, կապի միջոցների առակայությունը, անձնակազմի անգլերենի իմացությունը, այլ կարողությունների՝ ՆԱՏՕ-ի չափանիշներին համապատասխանությունը:
Ստորաբաժանումը խաղարկել է համատեղ ուժերի կազմում և այլ գործողությունների ժամանակ մարտավարական առաջադրանքների և մարտական կրակով մարզումների անցկացման առաջադրանքներ:
Հիշեցնենք, որ «Օպերատիվ հնարավորությունների կոնցեպցիայի» շրջանակներում մասնակիցները անցնում են «Ինքնուրույն գնահատական» 1-ին և 2-րդ մակարդակի ստուգումներ (Self Evaluation), որոնց հաջորդում են արդեն ՆԱՏՕ-ի մասնագետների կողմից երկաստիճան ստուգումներ (NATO Evaluation):
Ծրագրում ընդգրկված է նաև Հայաստանը:
Զորավարժությանը, դատելով հրապարակած լուսանկարներից, ներգրավվել են Հարավաֆրիկյան Հանրապետության արտադրության, Ադրբեջանում համատեղ հավաքվող «Մարադյոր» զրահամեքենաներ:
