Հայաստանի ազգային հավաքականն սկսել է նախապատրաստությունն ԱԱ-2018-ի ընտրական փուլի` Ռումինիայի և Դանիայի հավաքականների հետ խաղերինև և մարզում է անցկացրել Ավանի ակադեմիայի մարզադաշտում:
Հայաստանի ազգային հավաքականի և ՄՅՈւ-ի կիսապաշտպան Հենրիխ Մխիթարյանը երեկ անցկացրած մարզումից լուսանկար է հրապարակել և հետևյալ գրառումը կատարել. «Բարի լույս, Հայաստան».
Հիշեցնենք` աշխարհի 2018 թվականի առաջնության ընտրական փուլի Ռումինիա-Հայաստան խաղը տեղի կունենա սեպտեմբերի 1-ին Բուխարեստի «Արենա Նացիոնալ» մարզադաշտում, իսկ սեպտեմբերի 4-ին Արթուր Պետրոսյանի սաները Երևանում կհյուրընկալեն Դանիայի ընտրանուն:
