Ոստիկանության Մաշտոցի բաժնի հետաքննչական բաժանմունքում նյութեր են նախապատրաստվում երեկ՝ հոկտեմբերի 28-ին, Երևանում տեղի ունեցած արտակարգ դեպքի փաստով:
Ժամը 15:30-ի սահմաններում Երևանի բնակիչ, 26-ամյա Լիլիթ Հ.-ն Ոստիկանության Մաշտոցի բաժին ահազանգել է, որ «Շահումյան 2» գերեզմանատան մոտ Հարութ անունով երիատասարդը իր կամքին հակառակ, բռնություն գործադրելով՝ սեռական հարաբերություն է ունեցել իր հետ, որից հետո իրեն թողնելով փողոցում՝ ավտոմեքենայով հեռացել է:
Հաջորդ օրը ոմն Հարութը հանդիպել է իրեն ու սպառնացել, որ «շուխուր չանի, որ էլ ինքը կույս չի» և դրա դիմաց նրանից պահանջել է Samsung Galaxy s7 տեսակի բջջային հեռախոսը: Մաշտոցի Ոստիկանությունը ձեռնարկում է անհրաժեշտ միջոցառումներ՝ ոմն Հարութի ինքնությունը պարզելու, նրան և բջջային հեռախոսը հայտնաբերելու ուղղությամբ:
Shamshyan.com-ի տեղեկություններով՝ ոստիկաններին հայտնի է այն ավտոմեքենայի համարանիշը, որը վարել է Հարութը, ինչպես նաև՝ ինչ է աշխատում նա:
