Ազգային ժողովի Հայաստան-Ուկրաինա բարեկամական խումբը դատապարտում է ուկրաինացի պատգամավոր Իգոր Մոսիչուկի նկատմամբ մահափորձը, ԱԺ նիստին նշեց Հայաստան-Ուկրաինա բարեկամական խմբի ղեկավար Կարեն Բեքարյանը:
Հիշեցնենք, որ հոկտեմբերի 25-ին մահափորձ է իրականացվել Ուկրաինայի Գերագույն ռադայի պատգամավոր Իգոր Մոսիչուկի դեմ: Պատգամավորն այժմ հիվանդանոցում է: Կան նաև վիրավորներ:
«Խստորեն դատապարտում ենք արարքը։ Մենք ցավակցում ենք զոհի ընտանիքին և հարազատներին»,- նշեց Կարեն Բեքարյանը՝ Ուկրաինայի ժողովրդին մաղթելով հանդարտություն և խաղաղություն:
